Hagnýtar upplýsingar
Opnunartími skólans
Skólinn er opinn frá 8:00 alla virka daga. Kennsla á yngsta- og miðstigi hefst kl. 8:30 nema á föstudögum kl. 8:50. Kennsla á efsta stigi hefst kl. 8:50.
Skrifstofa
Skrifstofan er opin frá 8:00-16:00 alla virka daga nema á föstudögum til 15:00. Skiptiborð skólans er opið frá 7:45 - 14:30 en lokar í hádeginu milli 12:00-12:40.
Nesti
Boðið er upp á hafragraut alla morgna frá 8:00-8:30. Nemendur koma með hollt nesti að heiman til að borða í nestistíma og vatnsbrúsa.
Ingunnarskóli er hnetulaus skóli. Í Ingunnarskóla eru nemendur með bráðaofnæmi fyrir hnetum. Einstaklingur með bráðaofnæmi fyrir hnetum þarf ekki að borða hnetur til að fá ofnæmisviðbrögð. Nóg er að hann komist í snertingu við matvæli sem innihalda hnetur eða snertingu við einstakling sem hefur verið að meðhöndla hnetur til að valda mjög slæmum og jafnvel lífshættulegum ofnæmisviðbrögðum.
Af þessum ástæðum hefur sú stefna verið tekin að Ingunnarskóli er hnetulaus skóli. Í því felst að matur innan skólans innihaldi ekki hnetur að neinni gerð, hvorki jarðhnetur eða trjáhnetur (pekanhnetur, kasjúhnetur, möndlur o.fl.).
Þetta þýðir að hvorki börn né starfsmenn skólans koma með hnetur inn í skólann. Við viljum biðja foreldra að gæta þess að börnin komi ekki með nesti sem inniheldur hnetur. Dæmi um slíkt er: hnetujógúrt, abt-mjólk með hnetumúsli, brauð með hnetusmjöri, hnetur í poka, alls kyns orkustykki, flestar tegundir af Corny, sumt morgunkorn og fleira.
Skápar
Nemendum 2.-10. bekkjar er úthlutað skápum sem staðsettir eru í anddyri skólans. Skáparnir eru ólæstir en nemendur geta komið með lása að heiman til að nota í skólanum.
Nemendur 1. bekkjar eru með aðstöðu í fatahengi við 1. bekkjar stofuna.
Símanotkun
Ingunnarskóli er símalaus skóli og því eru símtæki ekki leyfð í stofum eða göngum skólans.
Forfallatilkynningar
Veikindi eða stutt leyfi skulu forráðamenn eða aðstandendur tilkynna áður en kennslustund hefst og síðan daglega á skrifstofu skólans í síma 411-7828 eða á netfangið ingunnarskoli@reykjavik.is . Einnig er hægt að tilkynna veikindi og leyfi í gegnum foreldraaðgang í Mentor.